தோட்டம் வளர்த்தேன் தோட்டம் வளர்ப்பேன் ;)

அடியேன் தோட்டம் வளர்த்த கதையின்[இங்க, இங்க, அப்புறம் இங்க] நிறைவை எழுதுவதர்க்கு முன், தோட்டம் கொஞ்சமாவது வளர்ந்துவிடாதா என்ற நப்பசையில் சில நாட்க்கள் கடத்திய பின், சரி நமக்கு விதித்தது, நாம் விதைத்தது எல்லமே இவ்வளவு தான் என்று இறைவனை வேண்டி துவங்குறேனப்பா..

நார்தன் லைன் ஓடவில்லயே,
நட்ட ரோஜா, பூக்க வில்லயே.
பிக்கடிலியோ லேட்,
போட்ட விதையோ வேஸ்ட்.

பக்கத்து ஸீட்டு ஜென்னி
எதிர் ஸீட்டு ஜூலி
நீங்கள் எல்லாமே போலி,

உங்களை நினைத்து வைத்த
செடி எல்லாம் காலி.


என்று, காதல் தோல்வி அடைந்தவன் போல, [தாடி எல்லம் இல்லை, ரொம்ப யோசிக்கதீங்க], தத்துவ கவிதை எல்லாம் பாட ஆரம்பிச்சசு.

“அடுத்த கட்டம் என்ன??”

க.வி.கை.நி. கடையில் கொடுத்த பூத்தொட்டி உள்ளது, இதில் ஏதாவது செய்வோம் என்று சிந்தித்து, யோசித் போது...

ஆஹா, போன வருஷம் ஊருக்கு போன போது, துளசி விதை கொணர்ந்தோமே, எம்பெருமான் பெயரில் அதை விதைப்போம் என்ற ஞானோதயம் கிட்டிற்று.
சரியா சொன்னீங்க.. தத்துவத்துக்கு அப்புறம் இறை அர்ப்பணம் தான்.

இந்த கட்டத்தில் தான் வாசக அன்பர்கள்(!) சிந்திக்க வேண்டும், எப்படி, தோட்டம் வளர்ப்பது, ஒருவனை இறை மார்கத்தில் இழுக்கிறது என்று.

“உடல் வளர்த்தேன், உயிர் வளர்த்தேன்“ – திருமூலர் கூற்று
“தோட்டம் வளர்த்தேன், தெய்வம் வளர்த்தேன்”-அடியேன் கூற்று.

நல்ல ஒரு சனிக்கிழமை, இறைவனை வேண்டி, துளசி விதைதாயிற்று. தினமும் காலை மாலை, ஸந்த்யாவந்தன அர்க்யம் மற்றும் கூடுதல் நீர் ஊற்றி, மூன்று வாரம் பேணியாயிற்று.

இதோ, அதற்கான பலன், கண்கூடாக!! துளசி துளிர் விட்டிருக்கிறது. மாமனின் அருகே மருமகனின் அருகம் புல்லும் அரும்பு விடுகிறது. இணைத்துள்ள புகை படத்தில் காணவும். [சரி சரி, றெம்ப பாராட்டாதீங்க]


ஹ்ம்ம், தோட்டம் போட துவங்கி, துளிர் விடுவதர்க்குள், வசந்த ருது, க்ரீஷ்ம ருது, கடந்து, வர்ஷ ருதுவே வந்து விட்டது. ;) இன்னும் சில நாட்களில், இங்கு குளிர் காலம் துவங்கிய பின், அடுத்த வசந்த ருது வரை, தோட்டத்தின் பக்கமே போக முடியாது.
அதனால இந்த வருஷத்துக்கான தோட்ட வேலையை இத்தோட முடிச்சுக்கறேன்பா!!

எல்லாரும் நிழற்ப்படத்துல இருக்கர துளசிய வணங்கிக்கோங்கப்பா...

அப்புறம், இந்த வார கல்கியில், அமரர் கல்கி கத்திரிக்காய் பயிரிட்ட கதை வந்துள்ளது. அவரும் நம்மள(!) மாதிரி தான் போல, படிச்சு ரசிச்சுக்கோங்கோ!!